ذكرتها وانا على شاطي النيل و نَسِيت نهر النيل وابحرت معها وغنيت للذكرى القِديمه مواويل سنين لو دار الزمن مارجعها لايام عشنا جيل ماهوب هالجيل والنفس لاحبّت تموت بولعها بالحيل حبتني وحبيتها حيل محبةٍ جار الزمان وشلعها اقف لها بالشارع العام واخيل زولٍ يداوي علتي من وجعها يومه رصاصي كان لون المراييل وتروح يم المدرسه واتّبَعها كبْرَت وانا مالي بكثر التفاصيل ماغير ذكراها وذكرى دلعها وانا رجل والله ماداني الميل ونفسي ماهي نفسٍ تغوص بطمعها بالشرع جيت وفي سلوم الرجاجيل وافق ابوها وعمها اللي منعها اليوم تسكن ديرةٍ جعلها السيل مع واحدٍ وياه ربي جمعها