عَارْفَة بَحِبِّك لِيهْ … وَقَلْبِي الْحُبَّ مَلِيهْ عَشَانِ النَّاس فِي وُشُوشهُمْ طِيِّبَةْ وَكَانْ فِي الْأَصْلِ أسْمِك طِيِّبَةْ .. وَالنَّاس بِتْغَنِّيه عَشَانْ طُولْ عُمْرِك وَقْفَة وَجَامْدَة وَلِرَبِّك شَاكْرَة وَحَمْدَة ……. وَالْغَدْر مَا بِتِعَدِّيهْ عَارْفَة بَحِبِّك لِيهْ … وَقَلْبِي الْحُبَّ مَلِيهْ عَشَانْ يَا مِصْر فِيكِي رَسُول كَلِيمُ الله فِي جَبَلِ الطُّور ….. وَرَبِّي اتْجَلَّى عَلَيْهْ وِسِتِّنَا مَرْيَم مِشْيِتْ فِيهَا بِصُحْبَت نَبِيّ عَلَى أَرَاضِيهَا …… وَدَهْ نِتْبَارَك بِيهْ عَارْفَة بَحِبِّك لِيهْ … وَقَلْبِي الْحُبَّ مَلِيهْ عَشَانِ الْفَنّ فِيكِي طَبِيعَة وَالْمَعْرُوف كَأَنَّه وَدِيعَة ……. وَلَا يُمْكِن تِنْسِيهْ وَعَشَانِ الدِّين فِيكِي مَحَبَّة وَكُلّ النَّاس فِيكِي أَحِبَّة …… وَالْحُبّ بِيتْرَوِّيهْ عَارْفَة بَحِبِّك لِيهْ … وَقَلْبِي الْحُبَّ مَلِيهْ فِي الْقُرْآن مَذْكُورَة بِاسْمِك وَجُنُودِك مَرْسُومَة بِرَسْمِك …. وَالْحَقّ بِتِحْمِيهْ وَعَشَانْ فِيكِي خَيْر أَئِمَّة وَأَهْلِك فِيهِم نَخْوَة وَهِمَّة ….. وَالْمَظْلُوم تِفْدِيهْ عَارْفَة بَحِبِّك لِيهْ … وَقَلْبِي الْحُبَّ مَلِيهْ عَشَانْ فِيكِي جُمّ هِكْسُوس وَكَمَان غَزْو مُغُول وَمَجُوس … وَبِأَهْلِك بِتِصَدِّيهْ عَشَانْ فِيكِي تَارِيخ أَجْدَادْنَا مِينَا وَخُوفُو وَأَبُو سِمْبِل مَعْبَد … وَفَخُور أَنَا بِيهْ عَارْفَة بَحِبِّك لِيهْ … وَقَلْبِي الْحُبَّ مَلِيهْ عَشَانْ مِنْ صُغْرِي عِشْت فِي ضلِّك وَشُوفْت خَوَاجَه جِرِيجِي بِيْقُولِك حُبِّك مَا بَخَبِّيهْ عَشَانْ فِيكِي حَكَاوِي أَسَاطِير وَبِيِمْشِي فِي أَرْضِك نَهْر النِّيل .. وَإِنْتِي هِبَة لِيهْ عَارْفَة بَحِبِّك لِيهْ … وَقَلْبِي الْحُبَّ مَلِيهْ